ᠳᠣᠷᠵᠢᠪᠠᠲᠤ
07 15᠂ 2016
ᠵᠢᠭᠤᠯᠴᠢᠳ᠄ ᠮᠤᠩᠭᠤᠯᠴᠤᠳ ᠲᠠᠯᠠ ᠨᠤᠳᠤᠭ ᠰᠢᠭ ᠵᠢᠡᠨ ᠠᠭᠤᠵᠢᠮ ᠰᠡᠳᠭᠢᠯ ᠲᠠᠢ ᠬᠦᠮᠦᠰ ᠶᠤᠮ ᠪᠠᠢᠨᠠ
ᠮᠠᠨ ᠤ ᠤᠯᠤᠰ 3 ᠰᠠᠶᠠ ᠬᠦᠮᠦᠨ ᠠᠮᠠ ᠲᠠᠢ᠃ ᠬᠦᠮᠦᠨ ᠠᠮᠠ ᠶᠢᠨ 51 ᠬᠤᠪᠢ ᠪᠤᠶᠤ ᠨᠢᠭᠡ ᠰᠠᠶᠠ 300 ᠮᠢᠩᠭᠠᠨ ᠢᠷᠭᠡᠨ ᠨᠢ ᠨᠡᠶᠢᠰᠯᠡᠯ ᠬᠣᠲᠠ ᠳᠤ ᠪᠠᠨ ᠠᠮᠢᠳᠤᠷᠠᠳᠠᠭ᠃ ᠭᠡᠪᠡᠴᠦ ᠰᠠᠶᠠ ᠭᠠᠷᠤᠢ ᠬᠦᠮᠦᠨ ᠠᠮᠠ ᠲᠠᠢ ᠶᠡᠬᠡ ᠬᠣᠲᠠ ᠶᠢᠨ ᠬᠥᠳᠡᠯᠭᠡᠭᠡᠨ ᠬᠣᠶᠠᠷᠬᠠᠨ ᠬᠣᠨᠣᠭ ᠤᠨ ᠳᠣᠲᠣᠷᠠ ᠨᠠᠮ ᠭᠦᠮ ᠪᠣᠯᠤᠭᠰᠠᠨ ᠨᠢ ᠤᠯᠠᠭᠠᠨᠪᠠᠭᠠᠲᠤᠷ ᠤᠨ ᠲᠥᠪ ᠢᠶᠡᠷ ᠠᠯᠬᠤᠵᠤ ᠶᠠᠪᠤᠭᠠ ᠵᠢᠭᠤᠯᠴᠢᠳ ᠤᠨ ᠰᠣᠨᠢᠷᠬᠠᠯ ᠢ ᠶᠡᠬᠡ ᠪᠡᠷ ᠲᠠᠳᠴᠠᠢ᠃ БНСУ ᠍ ᠤᠨ ᠵᠢᠭᠤᠯᠴᠢᠨ ᠢ ᠰᠤᠩ ᠫᠠᠺ ᠬᠤᠪᠢ ᠳᠤ 2 ᠬᠣᠨᠣᠭ ᠤᠨ ᠡᠮᠦᠨᠡ ᠮᠣᠩᠭᠣᠯ ᠤᠨ ᠨᠠᠭᠠᠳᠤᠮ ᠢ ᠦᠵᠡᠭᠰᠡᠨ᠃ ᠲᠡᠭᠡᠬᠦ ᠳᠦ ᠮᠠᠰᠢ ᠶᠡᠬᠡ ᠬᠦᠮᠦᠨ ᠪᠠᠶᠢᠭᠰᠠᠨ᠃ ᠭᠡᠪᠡᠴᠦ ᠬᠣᠶᠠᠷ ᠬᠣᠨᠣᠭ ᠤᠨ ᠳᠠᠷᠠᠭᠠ ᠬᠥᠳᠡᠭᠡ ᠶᠠᠪᠤᠭᠠᠳ ᠢᠷᠡᠬᠦ ᠳᠦ ᠬᠣᠲᠠ ᠶᠢᠨ ᠬᠥᠯ ᠬᠥᠳᠡᠯᠭᠡᠭᠡᠨ ᠶᠠᠭᠤ ᠦᠭᠡᠢ ᠪᠣᠯᠤᠭᠰᠠᠨ ᠨᠢ ᠲᠡᠭᠦᠨ ᠢ ᠭᠠᠶᠢᠬᠠᠰᠢᠷᠠᠭᠤᠯᠵᠠᠢ᠃
ᠵᠢᠭᠤᠯᠴᠢᠳ ᠠᠽᠢᠶᠠ ᠧᠦᠷᠦᠫᠠ ᠵᠢᠨ ᠠᠭᠤᠯᠵᠢᠯᠠᠯᠳᠠ ᠵᠢᠨ ᠲᠠᠯᠠ ᠪᠠᠷ ....᠃
-БНСУ ᠍ ᠤᠨ ᠵᠢᠭᠤᠯᠴᠢᠨ᠄ ᠮᠣᠩᠭᠣᠯᠴᠤᠳ ᠲᠠᠯᠠ ᠨᠤᠲᠤᠭ ᠰᠢᠭ ᠢᠶᠡᠨ ᠠᠭᠤᠵᠢᠮ ᠬᠦᠮᠦᠰ ᠶᠠᠭᠤᠮᠠ ᠡ᠃ ᠠᠽᠢᠶᠠ ᠧᠦ᠋ᠷᠣᠫᠠ ᠶᠢᠨ ᠳᠡᠭᠡᠳᠦ ᠬᠡᠮᠵᠢᠶᠡᠨ ᠦ ᠠᠭᠤᠯᠵᠠᠯᠲᠠ ᠶᠢ ᠢᠷᠭᠡᠳ ᠡᠴᠡ ᠪᠡᠨ ᠡᠬᠢᠯᠡᠭᠡᠳ ᠲᠥᠷᠥ ᠶᠢᠨ ᠥᠨᠳᠥᠷᠯᠢᠭ ᠦᠳ ᠬᠦᠷᠲᠡᠯᠡ ᠪᠡᠨ ᠶᠡᠬᠡ ᠠᠴᠢ ᠬᠣᠯᠪᠣᠭᠳᠠᠯ ᠥᠭᠴᠦ ᠪᠠᠶᠢᠨᠠ ᠭᠡᠵᠦ ᠪᠢ ᠬᠤᠪᠢ ᠋ᠳᠤ ᠪᠠᠨ ᠣᠶᠢᠯᠠᠭᠠᠵᠤ ᠪᠠᠶᠢᠨᠠ ᠃ ᠬᠣᠶᠠᠷ ᠬᠣᠨᠣᠭ ᠤᠨ ᠡᠮᠦᠨᠡ ᠡᠨᠡ ᠲᠥᠪ ᠲᠠᠯᠪᠠᠢ ᠳᠡᠭᠡᠷᠡ ᠮᠠᠰᠢ ᠶᠡᠬᠡ ᠬᠦᠮᠦᠨ ᠪᠠᠶᠢᠭᠰᠠᠨ᠃ ᠬᠠᠷᠢᠨ ᠥᠨᠥᠳᠥᠷ ᠪᠠᠷᠤᠭ ᠯᠠ ᠬᠦᠮᠦᠨ ᠠᠯᠠᠭᠠ᠃ ᠬᠣᠲᠠ ᠨᠢ ᠮᠠᠰᠢ ᠴᠡᠪᠡᠷᠬᠡᠨ ᠪᠠᠶᠢᠨᠠ᠃
-ᠪᠢ ᠪᠠᠩᠭᠠᠯᠳᠧᠱ ᠤᠯᠤᠰ ᠠᠴᠠ ᠢᠷᠡᠭᠰᠡᠨ ᠃ ᠶᠠᠭ ᠦᠨᠡᠨ ᠳᠦ ᠪᠡᠨ ᠮᠣᠩᠭᠣᠯ ᠢ ᠠᠹᠷᠢᠺᠠ ᠠᠴᠠ ᠠᠷᠠᠢ ᠳᠡᠭᠡᠷᠡ ᠬᠥᠭᠵᠢᠯ ᠲᠡᠢ ᠶᠠᠳᠠᠭᠤᠪᠲᠤᠷ ᠣᠷᠣᠨ ᠭᠡᠵᠦ ᠪᠣᠳᠣᠳᠠᠭ ᠪᠠᠶᠢᠭᠰᠠᠨ᠃ ᠬᠠᠷᠢᠨ ᠨᠢᠭᠡ ᠨᠠᠶᠢᠵᠠ ᠮᠠᠨᠢ ᠮᠣᠩᠭᠣᠯ ᠢ ᠦᠵᠡᠬᠦ ᠶᠢ ᠰᠠᠨᠠᠯ ᠪᠣᠯᠭᠠᠭᠰᠠᠨ ᠢᠶᠠᠷ ᠵᠣᠷᠢᠵᠤ ᠢᠷᠡᠭᠰᠡᠨ ᠃ ᠢᠷᠡᠭᠡᠳ ᠦᠵᠡᠭᠰᠡᠨ ᠴᠢᠨᠢ ᠦᠨᠡᠬᠡᠷ ᠭᠠᠶᠢᠬᠠᠯᠲᠠᠢ ᠃ ᠬᠦᠮᠦᠰ ᠨᠢ ᠨᠠᠶᠢᠷᠰᠠᠭ᠂ ᠬᠣᠲᠠ ᠶᠡᠬᠡ ᠴᠡᠪᠡᠷᠬᠡᠨ ᠪᠠᠶᠢᠨᠠ᠃
-ᠪᠢ ᠭᠧᠷᠮᠠᠨ ᠠᠴᠠ ᠢᠷᠡᠭᠰᠡᠨ᠃ ᠮᠣᠩᠭᠣᠯ ᠠᠽᠢᠶᠠ ᠧᠦᠷᠦᠫᠠ ᠵᠢᠨ ᠳᠡᠭᠡᠳᠦ ᠬᠡᠮᠵᠢᠶᠡᠨ ᠦ ᠠᠭᠤᠯᠵᠠᠯᠲᠠ ᠪᠣᠯᠵᠤ ᠪᠠᠶᠢᠭᠠ ᠶᠢ ᠥᠴᠥᠭᠡᠳᠦᠷ ᠣᠷᠣᠢ ᠮᠡᠳᠡᠭᠰᠡᠨ ᠃ ᠬᠣᠲᠠ ᠶᠢᠨ ᠬᠦᠮᠦᠰ ᠨᠢ ᠶᠡᠬᠡ ᠰᠤᠶᠤᠯ ᠲᠠᠢ ᠬᠠᠨᠳᠤᠵᠤ ᠪᠠᠶᠢᠭᠠ ᠶᠤᠮ ᠪᠠᠶᠢᠨᠠ᠃ ᠠᠯᠢ ᠪᠠᠨ ᠬᠣᠲᠠ ᠶᠢᠨ ᠲᠥᠪ ᠪᠠᠷᠤᠭ ᠬᠦᠮᠦᠨ ᠦᠭᠡᠢ ᠪᠠᠶᠢᠬᠤ ᠶᠢ ᠪᠢ ᠮᠣᠩᠭᠣᠯ ᠤᠨ ᠨᠡᠶᠢᠰᠯᠡᠯ ᠤᠯᠠᠭᠠᠨᠪᠠᠭᠠᠲᠤᠷ ᠠᠴᠠ ᠬᠠᠷᠠᠵᠤ ᠪᠠᠶᠢᠨᠠ᠃
ᠠᠽᠢᠶᠠ ᠧᠦᠷᠦᠫᠠ ᠵᠢᠨ ᠳᠡᠭᠡᠳᠦ ᠬᠡᠮᠵᠢᠶᠡᠨ ᠦ ᠠᠭᠤᠯᠵᠠᠯᠲᠠ ᠶᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠬᠣᠷᠢᠶᠠᠨ ᠠᠴᠠ ᠨᠡᠶᠢᠰᠯᠡᠯ ᠦᠨ ᠢᠷᠭᠡᠳ ᠢ ᠬᠣᠲᠠ ᠠᠴᠠ ᠭᠠᠷᠬᠤ᠂ ᠠᠯᠢ ᠡᠰᠡᠪᠡᠯ ᠵᠠᠮ ᠤᠨ ᠬᠥᠳᠡᠯᠭᠡᠭᠡᠨ ᠳᠦ ᠣᠭᠲᠣ ᠣᠷᠣᠯᠴᠠᠬᠤ ᠦᠭᠡᠢ ᠪᠠᠶᠢᠬᠤ ᠭᠡᠬᠦ ᠮᠡᠲᠦ ᠳᠠᠷᠤᠮᠲᠠ ᠰᠢᠬᠠᠯᠲᠠ ᠣᠭᠲᠣ ᠦᠵᠡᠭᠦᠯᠦᠭᠡ ᠦᠭᠡᠢ ᠡ᠃ ᠬᠠᠷᠢᠨ ᠣᠷᠣᠨ ᠨᠤᠲᠤᠭ ᠤᠨ ᠪᠠᠶᠠᠷ ᠨᠠᠭᠠᠳᠤᠮ ᠢ 7 ᠰᠠᠷᠠ ᠶᠢᠨ 15᠂ 16 ᠡᠴᠡ ᠡᠬᠢᠯᠡᠨ ᠶᠠᠪᠤᠭᠤᠯᠬᠤ᠂ ᠬᠣᠲᠠ ᠠᠴᠠ ᠬᠥᠳᠡᠭᠡ ᠤᠷᠤᠭᠤ ᠴᠢᠭᠯᠡᠭᠰᠡᠨ ᠤᠷᠤᠰᠬᠠᠯ ᠢ ᠪᠠᠶᠠᠷ ᠨᠠᠭᠠᠳᠤᠮ ᠠᠴᠠ ᠬᠣᠶᠢᠰᠢ ᠨᠡᠮᠡᠭᠳᠡᠭᠦᠯᠬᠦ ᠪᠣᠳᠣᠯᠭᠠ ᠶᠢᠨ ᠰᠢᠨᠵᠢ ᠴᠢᠨᠠᠷ ᠲᠠᠢ ᠠᠷᠭᠠ ᠬᠡᠮᠵᠢᠶᠡ ᠠᠪᠤᠭᠰᠠᠨ᠃ ᠬᠠᠷᠢᠨ ᠢᠷᠭᠡᠳ ᠦᠨ ᠬᠤᠪᠢ ᠳᠤ ᠠᠽᠢᠶᠠ ᠧᠦᠷᠦᠫᠠ ᠵᠢᠨ ᠳᠡᠭᠡᠳᠦ ᠬᠡᠮᠵᠢᠶᠡ ᠦ ᠠᠭᠤᠯᠵᠠᠯᠲᠠ ᠳᠤ ᠠᠴᠢ ᠬᠣᠯᠪᠣᠭᠳᠠᠯ ᠥᠭᠴᠦ ᠤᠬᠠᠮᠰᠠᠷ ᠲᠠᠢ ᠬᠠᠨᠳᠤᠵᠤ ᠪᠠᠶᠢᠭᠠ ᠨᠢ ᠬᠣᠲᠠ ᠶᠢᠨ ᠲᠥᠪ ᠦᠨ ᠬᠥᠳᠡᠯᠭᠡᠭᠡᠨ᠂ ᠭᠠᠳᠠᠨᠠᠬᠢ ᠵᠢᠭᠤᠯᠴᠢᠳ ᠤᠨ ᠰᠡᠳᠬᠢᠭᠳᠡᠯ ᠡᠴᠡ ᠬᠠᠷᠠᠭᠳᠠᠵᠤ ᠪᠠᠶᠢᠨᠠ᠃
