ᠨᠠᠮᠤᠷ ᠤᠨ ᠵᠡᠭᠦᠳᠦᠨ
                              ᠨᠠᠮᠵᠢᠭᠤᠨ ᠰᠦᠨᠢ
ᠴᠢ ᠪᠢᠳᠡᠭᠡᠢ ᠶᠠᠪᠤ ᠡ
ᠬᠠᠢᠷᠠᠳᠤ ᠮᠢᠨᠢ
ᠲᠠ ᠶᠠᠪᠤᠭᠠᠳ ᠦᠭᠭᠦᠯᠡᠷ ᠨᠢ ᠪᠢ ᠭᠠᠭᠴᠠᠭᠠᠷᠳᠠᠨ᠎ᠠ ᠰᠢᠤ
ᠡᠷᠭᠢᠵᠤ ᠢᠷᠡᠭᠡᠴᠢ ᠡ ᠴᠢ ᠮᠢᠨᠢ ᠡ᠌᠌

ᠪᠢ ᠬᠠᠰᠭᠢᠷᠬᠤ ᠲᠠᠭᠤᠨ ᠳᠤ ᠪᠠᠨ ᠰᠡᠷᠡᠪᠡ
ᠡᠯᠭᠦᠭᠦᠷ ᠲᠠᠭᠡᠷ᠎ᠡ ᠪᠠᠷ᠎ᠠ ᠦᠭᠡᠢ
ᠴᠢᠨᠤᠬᠢ ᠲᠠᠪᠡᠯ
ᠡᠪᠦᠷ ᠲᠦ ᠮᠢᠨᠢ ᠠᠨᠢᠷ ᠦᠭᠡᠢ
ᠴᠢᠨᠦᠬᠢ ᠠᠮᠢᠰᠬᠤᠭ᠎ᠠ
ᠴᠦᠪᠳᠡᠭ ᠰᠠᠷᠠᠨ ᠤ ᠵᠢᠭᠡᠭᠦᠨ ᠲᠤᠶᠠᠭ᠎ᠠ ᠵᠡᠭᠦᠨ ᠬᠠᠨ᠎ᠠ ᠰᠢᠪᠠᠵᠤ
ᠴᠢᠮ᠎ᠠ ᠲᠠᠢ ᠲᠠᠳᠠᠭᠰᠠᠨ ᠰᠡᠭᠦᠳᠡᠷ
ᠮᠡᠭᠰᠢᠵᠦ ᠪᠠᠢᠭ᠎ᠠ ᠰᠢᠭ᠋ ᠰᠠᠨᠠᠭᠳᠠᠪᠠ

ᠭᠡᠭᠡᠪᠴᠢ ᠪᠠᠷ ᠬᠠᠷᠠᠭᠳᠠᠬᠤ
ᠬᠤᠩᠭᠤᠷᠴᠤᠭ ᠤᠨ ᠨᠠᠪᠴᠢᠰ ᠰᠢᠩᠭᠡᠷᠡᠭᠰᠡᠨ ᠭᠡᠮᠡᠷ
ᠵᠠᠢ ᠵᠠᠪᠰᠠᠷ ᠢᠶᠠᠷ ᠨᠢ ᠰᠠᠷᠠᠨ ᠤ ᠲᠤᠶᠠᠭ᠎ᠠ ᠰᠤᠮᠤᠳᠠᠵᠤ
ᠤᠯᠠᠮ ᠴᠤ ᠤᠢᠳᠬᠠᠷ ᠲᠦᠷᠦᠭᠦᠯᠦᠨ᠎ᠡ

ᠬᠠᠢᠷᠠᠲᠤ ᠮᠢᠨᠢ
ᠲᠠ ᠢᠷᠡᠭᠡᠴᠢ ᠡ
ᠴᠢᠨᠤ ᠢᠷᠡᠬᠦ ᠪᠡᠷ ᠭᠤᠨᠳᠠᠭᠰᠠᠨ ᠴᠡᠴᠡᠭ ᠡᠷᠭᠢᠵᠦ
ᠭᠤᠤᠯ ᠤᠨ ᠬᠠᠯᠬᠢᠶ᠎ᠠ ᠤᠶᠠᠩᠭᠠᠷᠠᠨ᠎ᠠ   ᠢᠷᠡᠭᠡᠴᠢ ᠡ

ᠪᠢ ᠤᠶᠠᠷᠠᠵᠤ ᠪᠠᠬᠠᠨ ᠰᠠᠭᠤᠪᠠ
ᠡᠷᠦᠬᠡ ᠶᠢᠨ ᠲᠤᠲᠤᠷ᠎ᠠ ᠴᠢᠮᠡᠭᠡ ᠢᠮᠡᠭᠡ ᠦᠭᠡᠢ
ᠨᠠᠮ ᠵᠢᠮᠬᠡᠨ
ᠡᠳᠦᠷ ᠦᠨ ᠲᠡᠮᠳᠡᠭᠯᠡᠯ ᠴᠢᠨᠢ ᠤᠷᠤᠨ ᠳᠤ ᠪᠠᠨ
ᠲᠠᠭ ᠲᠤᠭᠤᠢ
ᠰᠡᠭᠦᠳᠡᠷ ᠦᠭᠡᠢ ᠬᠦᠨᠳᠡᠯᠦᠨ ᠦᠰᠦᠭ ᠦᠳ ᠴᠢᠨᠢ ᠨᠠᠮᠠᠶᠢ ᠴᠤ ᠰᠢᠷᠲᠡᠨ
ᠶᠠᠭᠤᠨ ᠭᠡᠦᠤ ᠪᠢᠴᠢᠪᠡ ᠡᠨᠳᠡ
ᠲᠠ ᠤᠩᠰᠢ ᠭᠡᠵᠦ ᠵᠠᠩᠳᠤᠷᠴᠤ ᠪᠠᠢᠮᠠᠷ

ᠨᠠᠮᠤᠷ ᠢ ᠮᠦᠳᠲᠦ ᠢᠷᠡᠨ᠎ᠡ ᠭᠡᠰᠡᠨ
ᠪᠤᠳᠤᠯ ᠴᠢᠨᠢ ᠵᠦᠪ ᠪᠠᠢᠭᠰᠠᠨ ᠴᠤ ᠬᠠᠢᠷᠠᠲᠤ ᠮᠢᠨᠢ
ᠨᠠᠮᠠᠶᠢ ᠴᠢᠮ᠎ᠠ ᠶᠢ ᠲᠠᠭᠠᠭᠠᠳ ᠶᠠᠪᠤᠨ᠎ᠠ ᠭᠡᠰᠡᠨ ᠴᠢᠨᠢ ᠬᠠᠷᠢᠨ
ᠪᠤᠯᠬᠤ ᠦᠭᠡᠢ ᠶᠡᠬᠡ ᠬᠢᠯᠢᠰᠲᠡᠯ ᠪᠠᠢᠭᠰᠠᠨ ᠶᠤᠮ ᠰᠠᠨᠵᠠᠢ ᠡ

ᠨᠠᠪᠴᠢᠰ ᠲᠠᠭᠵᠢᠨ᠎ᠠ
ᠴᠤᠩᠬᠤᠨ ᠲᠤᠰᠢᠶᠠᠬᠢ ᠬᠤᠩᠭᠤᠷᠴᠤᠭᠲᠤ  ᠮᠤᠳᠤᠨ  ᠦ
ᠬᠤᠪᠬᠢᠯ ᠳᠤ ᠱᠠᠷᠴᠢᠭᠢᠨᠠᠨ ᠪᠠᠢᠵᠤ
ᠴᠢᠬᠢᠯᠳᠤᠨ᠎ᠠ᠂ ᠪᠢ ᠲᠤᠩ ᠶᠡᠬᠡ ᠬᠠᠷᠠᠮᠰᠠᠪᠠ