-
20439
ᠡᠵᠢ ᠲᠠᠢ ᠪᠠᠨ ᠪᠠᠶᠢᠬᠤ ᠳ᠋ᠥ
2014-12-04 14:53
459
0
ᠡᠵᠢ ᠲᠠᠢ ᠪᠠᠨ ᠪᠠᠶᠢᠬᠤ ᠳ᠋ᠥ
ᠪᠠᠪᠤᠤ ᠶᠢᠨ ᡀᠬᠠᠪᠠᠰᠦ᠋ᠷᠥᠩ
ᠬᠠᠭᠠᠷᠠᠭᠰᠠᠨ ᠴᠢᠯᠠᠭᠤ ᠲᠠᠬᠢᠭᠠᠳ ᠬᠡᠵᠢᠶᠡ ᠴᠤ ᠡᠪᠯᠡᠳᠡᠭ ᠦᠭᠡᠢ ᠰᠢᠭ
ᠦᠨᠡᠨ ᠢᠶᠡᠨ ᠬᠡᠯᠡᠶᠡ
ᠨᠢᠯᠪᠤᠰᠤ ᠪᠡᠷ ᠢᠶᠡᠨ ᠵᠢᠭᠤᠷᠠᠵᠤ ᠬᠡᠯᠡᠶᠡ
ᠬᠠᠭᠠᠴᠠᠬᠤ ᠶᠢᠨ ᠴᠠᠭ ᠲᠣ ᠦᠬᠥᠯ ᠲᠠᠪᠠᠵᠤ ᠠᠭᠤᠯᠵᠠᠳᠠᠭ ᠦᠭᠡᠢ ᠰᠢᠭ
ᠦᠨᠡᠨ ᠢᠶᠡᠨ ᠬᠡᠯᠡᠶᠡ
ᠠᠮᠢᠰᠬᠤᠯ ᠢᠶᠠᠨ ᠵᠠᠩᠭᠢᠳᠴᠤ ᠬᠡᠯᠡᠶᠡ
ᠡᠵᠢ ᠲᠠᠢ ᠪᠠᠨ ᠪᠠᠶᠢᠬᠤ ᠳ᠋ᠥ ᠪᠢ ᠪᠠᠶᠠᠨ ᠪᠠᠶᠢᠭᠰᠠᠨ ᠂
ᠤᠷᠢᠯᠠᠭᠰᠠᠭᠠᠷ ᠮᠠᠭᠤ ᠡᠵᠢ ᠳ᠋ᠡᠭᠡᠨ ᠤᠴᠢᠵᠤ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠭᠤᠯᠬᠤ ᠳ᠋ᠥ
ᠤᠳᠤᠳ ᠪᠦᠭᠥᠳᠡᠭᠡᠷ ᠢᠶᠡᠨ ᠮᠢᠨᠤ ᠯᠡ ᠨᠢᠳᠤᠨ ᠲᠤᠳᠤᠷᠠ ᠲᠦᠭᠡᠳᠡᠭ ᠪᠠᠶᠢᠭᠰᠠᠨ
ᠡᠵᠢ ᠮᠢᠨᠢ ᠢᠨᠢᠶᠡᠭᠡᠳ ᠨᠠᠳᠠ ᠤᠷᠤᠭᠤ ᠢᠷᠡᠬᠥ ᠳ᠋ᠤᠨᠢ
ᠡᠨᠡᠬᠡᠨ ᠽᠠᠮᠪᠤᠳᠢᠪ ᠤᠨ ᠨᠠᠷᠡᠨ ᠭᠠᠭᠴᠠᠬᠠᠨ ᠨᠠᠳᠠ ᠲᠡᠭᠡᠷᠡ ᠯᠡ ᠠᠰᠬᠠᠷᠠᠳᠠᠭ ᠪᠠᠶᠢᠭᠰᠠᠨ
ᠡᠵᠢ ᠲᠡᠢ ᠪᠡᠨ ᠪᠠᠶᠢᠬᠤ ᠳ᠋ᠥ ᠪᠢ ᠪᠠᠶᠠᠨ ᠪᠠᠶᠢᠭᠰᠠᠨ ᠂
ᠠᠷᠤᠭ ᠡᠭᠥᠷᠥᠭᠰᠡᠨ ᠡᠵᠢ ᠶᠢᠨ ᠢᠶᠡᠨ ᠠᠷᠤ ᠦᠪᠥᠷ ᠲᠣ ᠭᠦᠶᠥᠬᠥ ᠳ᠋ᠥ
ᠠᠭᠠᠷᠤᠭ ᠲᠤᠯᠤᠭᠠᠳ ᠤᠨ ᠡᠯᠡᠰᠥ ᠠᠯᠳᠠ ᠪᠠᠷ ᠨᠤᠷᠠᠳᠠᠭ ᠪᠠᠶᠢᠭᠰᠠᠨ
ᠪᠦᠷᠳᠥᠨ ᠪᠦᠷᠳᠥᠨ ᠵᠡᠷᠭᠡᠯᠡᠭᠡ ᠬᠤᠷᠮᠤᠢ ᠲᠠᠢ ᠮᠢᠨᠢ ᠤᠷᠢᠶᠠᠴᠠᠯᠳᠤᠵᠤ
ᠪᠦᠵᠥᠩ ᠪᠤᠷᠤ ᠬᠦᠯ ᠦᠨ ᠮᠢᠨᠢ ᠰᠠᠶᠢᠷ ᠢ ᠲᠤᠯᠢᠶᠠᠳᠠᠭ ᠪᠠᠶᠢᠭᠰᠠᠨ
ᠡᠵᠢ ᠲᠠᠢ ᠪᠠᠨ ᠪᠠᠶᠢᠬᠤ ᠳ᠋ᠥ ᠪᠢ ᠪᠠᠶᠠᠨ ᠪᠠᠶᠢᠭᠰᠠᠨ ᠂
ᠰᠤᠳᠠᠰᠤ ᠨᠢ ᠯᠤᠭᠰᠢᠵᠤ ᠬᠠᠯᠠᠭᠤ ᠲᠦᠥᠭᠡᠭᠰᠡᠨ
ᠪᠤᠷᠬᠠᠨ ᠤ ᠡᠪᠥᠷ ᠲᠡᠭᠡᠷᠡ ᠲᠤᠭᠯᠠᠳᠠᠭ ᠪᠠᠶᠢᠭᠰᠠᠨ
ᠰᠦᠨᠡᠰᠥ ᠵᠠᠶᠢᠯᠠᠮᠠ ᠬᠠᠷᠠᠩᠭᠤᠢ ᠶᠢᠨ ᠲᠤᠮᠳᠠ ᠪᠢ
ᠰᠦ᠋ ᠨᠦᠮᠥᠷᠴᠥ ᠤᠨᠲᠠᠳᠠᠭ ᠪᠠᠶᠢᠭᠰᠠᠨ
ᠡᠵᠢ ᠲᠠᠢ ᠪᠠᠨ ᠪᠠᠶᠢᠬᠤ ᠳ᠋ᠥ ᠪᠢ ᠪᠠᠶᠠᠨ ᠪᠠᠶᠢᠭᠰᠠᠨ ᠂
ᠠᠭᠤᠯᠠ ᠠᠭᠤᠯᠠ ᠶᠢᠨ ᠤᠷᠤᠢ ᠠᠭᠤᠯᠵᠠᠳᠠᠭ ᠦᠭᠡᠢ ᠰᠢᠭ
ᠦᠨᠡᠨ ᠢᠶᠡᠨ ᠬᠡᠯᠡᠶᠡ
ᠡᠰ ᠢᠶᠡᠨ ᠰᠢᠳᠠᠭᠠᠵᠤ ᠬᠡᠯᠡᠶᠡ
ᠤᠷᠤᠰᠬᠠᠯ ᠤᠰᠤᠨ ᠡᠷᠭᠢᠵᠥ ᠤᠷᠤᠰᠳᠠᠭ ᠦᠭᠡᠢ ᠰᠢᠭ
ᠦᠨᠡᠨ ᠢᠶᠡᠨ ᠬᠡᠯᠡᠶᠡ
ᠴᠢᠰᠤ ᠪᠠᠨ ᠪᠤᠴᠠᠯᠭᠠᠵᠤ ᠬᠡᠯᠡᠶᠡ
ᠡᠵᠢ ᠶᠢ ᠪᠡᠨ ᠠᠮᠢᠷᠠᠯᠠᠭᠰᠠᠨ ᠠᠴᠠ ᠬᠤᠢᠰᠢ
ᠪᠢ ᠭᠤᠶᠤᠯᠭᠠᠴᠢᠨ ᠪᠤᠯᠤᠭᠰᠠᠨ
ᠭᠡᠬᠥ ᠳ᠋ᠡᠭᠡᠨ ᠂ ᠂ ᠂ ᠂
ᠡᠨᠡ ᠬᠤᠷᠸᠠ ᠶᠢᠨ ᠦᠬᠥᠯ ᠡᠴᠡ ᠪᠤᠰᠤᠳ ᠢ ᠲᠤᠭᠤᠵᠤ ᠭᠤᠶᠤᠬᠤ ᠦᠭᠡᠢ
ᠭᠤᠶᠤᠯᠭᠠᠴᠢᠨ ᠪᠤᠯᠤᠭᠰᠠᠨ
ᠡᠵᠢ ᠲᠠᠢ ᠪᠠᠨ ᠪᠠᠶᠢᠬᠤ ᠳ᠋ᠥ ᠪᠢ ᠪᠠᠶᠠᠨ ᠪᠠᠶᠢᠭᠰᠠᠨ ᠃
