ᠴᠧ᠂ ᠰᠠᠢᠢᠨᠪᠠᠲᠤ
          ᠦᠩᠬᠡ  ᠪᠠᠨ ᠠᠯᠳᠠᠭᠰᠠᠨ ᠣᠷᠴᠢᠯᠠᠩ   
          
     ᠰᠠᠷᠠ ᠲᠠᠢ ᠨᠠᠷᠠ ᠲᠠᠢ ᠣᠷᠴᠢᠯᠠᠩ  
     ᠰᠠᠢᠢᠨ ᠲᠠᠢ ᠮᠠᠭᠤ ᠲᠠᠢ ᠣᠷᠴᠢᠯᠠᠩ 
     ᠰᠠᠮᠠᠭᠤᠨ ᠴᠠᠭ ᠲᠦ ᠰᠠᠭ᠍ᠰᠠᠭᠤᠷᠠᠵᠦ 
     ᠰᠠᠳᠤᠨ  ᠢᠶᠡᠨ ᠲᠠᠨᠢᠳᠠᠭ ᠦᠭᠡᠢ ᠣᠷᠴᠢᠯᠠᠩ 
     ᠵᠣᠭᠣᠰ ᠤᠨ ᠨᠦᠬᠡ ᠪᠡᠷ ᠰᠢᠷᠭᠤᠵᠦ 
     ᠵᠢᠷᠣᠮ ᠢᠶᠠᠨ ᠠᠯᠳᠠᠭᠰᠠᠨ ᠣᠷᠴᠢᠯᠠᠩ᠂ 
     ᠰᠦᠷᠲᠡᠨ ᠦ ᠣᠮᠣᠭ ᠶᠡᠬᠡᠳᠡᠵᠦ 
     ᠰᠦᠵᠢᠭᠲᠡᠨ ‍ᠣ ᠰᠡᠵᠢᠭ ᠶᠡᠬᠡᠳᠡᠭᠰᠡᠨ ᠣᠷᠴᠢᠯᠠᠩ᠂ 
     ᠰᠢᠨᠤᠯ ᠪᠢᠯᠳᠠᠭᠤᠯ ᠵᠤᠵᠠᠭᠠᠷᠠᠵᠦ 
     ᠦᠩᠬᠡ ᠮᠦᠩᠬᠦ ᠳᠠᠪᠠᠬᠤᠴᠠᠭᠰᠠᠨ ᠣᠷᠴᠢᠯᠠᠩ᠂ 
     ᠵᠣᠭᠣᠰ ᠲᠠᠢ ᠪᠣᠯ ᠵᠢᠷᠣᠭ᠎ᠠ  
     ᠵᠣᠭᠣᠰ ᠦᠭᠡᠢ ᠪᠣᠯ ᠵᠣᠭᠰᠣᠭ᠎ᠠ ᠣᠷᠴᠢᠯᠠᠩ᠂ 
     ᠤᠨᠤᠭ ᠦᠭᠡᠢ ᠡᠨᠡ ᠣᠷᠴᠢᠯᠠᠩ ᠳ᠋ᠤᠷ 
     ᠶᠠᠭᠤ ᠳᠤᠲᠠᠪᠠᠴᠦ ᠵᠣᠭᠤᠰ ᠢᠶᠠᠷ ᠪᠣᠤ ᠳᠤᠲᠠᠶ᠎ᠠ  
     ᠶᠠᠭᠤ ᠣᠯᠣᠪᠠᠴᠦ ᠡᠪᠡᠳᠴᠢᠨ ᠪᠣᠤ ᠣᠯᠣᠶ᠎ᠠ 
     ᠣᠭᠣᠰᠣᠷ ᠪᠦᠴᠦ ᠦᠭᠡᠢ ᠣᠷᠴᠢᠯᠠᠩ  ᠭᠡᠵᠦ 
     ᠬᠤᠳᠠᠯ ᠢᠶᠠᠷ ᠳᠦᠭᠦᠷᠡᠭᠰᠡᠨ ᠬᠣᠷᠸ᠎ᠠ 
     ᠬᠠᠭᠤᠷᠮᠠᠭ ᠢᠶᠠᠷ ᠪᠢᠯᠬᠠᠭᠰᠠᠨ ᠭᠠᠯᠠᠪ 
     ᠤᠯᠠᠢᠷᠠᠯ ᠨᠢ ᠳᠦᠷᠪᠡᠨᠲᠠ ᠬᠤᠪᠢᠰᠤᠵᠦ  
     ᠠᠭᠤᠷ ᠨᠢ ᠨᠠᠢ᠌ᠮᠠᠨᠲᠠ ᠶᠠᠩᠵᠣᠯᠠᠳᠠᠭ 
     ᠣᠯᠵᠠ ᠶᠢᠨ ᠲᠦᠯᠣᠭᠡ ᠣᠩᠭᠠᠯᠵᠠᠵᠦ 
     ᠠᠪᠦᠯᠠᠭ᠎ᠠ ᠶᠢᠨ ᠲᠦᠯᠤᠭᠡ ᠠᠩᠭᠠᠯᠵᠠᠭᠰᠠᠨ 
     ᠦᠷᠭᠦᠯᠦᠭᠡ ᠶᠢᠨ ᠲᠦᠯᠤᠭᠡ  ᠦᠬᠦᠯᠵᠡᠭᠰᠡᠨ  
     ᠦᠩᠬᠡ  ᠪᠠᠨ ᠠᠯᠳᠠᠭᠰᠠᠨ ᠣᠷᠴᠢᠯᠠᠩ