ᠳᠤᠭᠳᠤᠯᠠᠵᠤ ᠬᠤᠨᠤᠭᠰᠠᠨ ᠰᠠᠷᠠ
                    ᠨᠠᠮᠵᠢᠭᠤᠨ ᠰᠦᠨᠢ
ᠰᠢᠨᠡᠬᠡᠨ ᠰᠠᠯᠬᠢᠨ  ᠦ ᠰᠡᠪᠡᠯᠵᠡᠭᠡᠨ ᠢᠶᠡᠷ
ᠰᠢᠷ᠎ᠠ ᠦᠰᠦᠨ ᠦ ᠰᠦᠪᠡ ᠬᠠᠷᠠᠭᠳᠠᠮᠠᠷ ᠨᠢᠮᠬᠡᠨ ᠱᠠ ᠲᠠᠢ  ᠲᠤᠷᠭᠠᠨ  ᠴᠤᠭᠴᠠᠰ ᠮᠢᠨᠤ
ᠴᠢᠨᠤ ᠦᠷᠦᠬᠡ ᠶᠢᠨ ᠪᠤᠱᠤᠭ᠎ᠠ ᠶᠢ ᠠᠶᠠᠷᠬᠠᠨ ᠳᠠᠪᠠᠭᠠᠳ
ᠴᠤᠩᠬᠤ ᠳᠠᠷᠤᠯ᠎ᠠ - ᠵᠡᠭᠦᠳᠦ ᠮᠠᠨᠠᠵᠠᠢ ᠪᠢ

ᠨᠤᠮᠤ ᠳᠠᠭᠠᠨ ᠤᠨᠠᠭᠰᠠᠨ ᠴᠢ
ᠬᠦᠯᠢ ᠤᠨ ᠴᠢᠮᠡᠭᠡᠨ ᠳᠦ ᠪᠢᠰᠢ ᠴᠤᠩᠬᠤᠨ ᠲᠠᠭᠤᠨ  ᠢᠶᠠᠷ
ᠭᠡᠨᠡᠳᠲᠡ ᠲᠤᠯᠤᠭᠠᠢ ᠡᠷᠭᠦᠭᠰᠡᠨ ᠢᠶᠡ
ᠬᠠᠷᠠᠭᠰᠠᠨ ᠬᠡᠪ ᠲᠡᠭᠡᠨ ᠱᠤᠭᠤᠮᠠᠯ  ᠰᠢᠤᠬᠠᠨ ᠪᠤᠯᠴᠢᠬᠠᠪᠠ

ᠬᠤᠷᠸ᠎ᠠ ᠶᠢᠨ ᠨᠠᠮ ᠰᠡᠯᠡᠭᠦᠬᠡᠨ ᠳᠦ
ᠬᠤᠷᠳᠤᠰᠬᠤ ᠵᠢᠷᠦᠬᠡᠨ ᠤ ᠴᠢᠨᠢ ᠴᠤᠬᠢᠯᠭ᠎ᠠ ᠠᠮᠢ ᠨᠠᠰᠤᠨ  ᠤ ᠪᠦᠦᠪᠡᠢ ᠰᠢᠭ
ᠠᠨᠢᠷ ᠦᠭᠡᠢ ᠶᠢᠨ ᠳᠤᠮᠳᠠ ᠢᠩᠭᠢᠵᠦ ᠨᠢᠭᠡᠨ ᠰᠤᠳᠤᠨ ᠪᠦᠳᠦᠭᠡᠯ ᠢ
ᠳᠤᠪ ᠳᠤᠭᠤᠢ ᠶᠢᠨ ᠬᠠᠮᠲᠦ ᠤᠷᠠᠯᠠᠪᠠ ᠭᠡᠯᠡᠢ

ᠴᠠᠭ ᠵᠤᠭᠰᠤᠩᠭᠤᠢᠷᠠᠪᠠ
ᠴᠢ ᠵᠤᠭᠰᠤᠩᠭᠤᠢᠷᠠᠪᠠ
ᠳᠤᠷᠠᠯᠠᠭᠤᠯᠤᠭᠠᠳ ᠪᠢ ᠵᠤᠭᠰᠤᠩᠭᠤᠢᠷᠠᠭᠰᠠᠨ ᠪᠠᠢᠵᠤ ᠲᠠᠭᠠᠷᠠᠨ᠎ᠠ
ᠶᠠᠭᠤ ᠪᠦᠬᠦᠨ ᠵᠤᠭᠰᠤᠩᠭᠤᠢ ᠮᠦᠷᠲᠡᠭᠡᠨ ᠳᠤᠭᠳᠤᠯᠠᠩᠭᠤᠢ ᠪᠠᠢᠪᠠ

ᠴᠢᠨᠤ ᠰᠤᠳᠤᠨ ᠦᠨᠦᠷ
ᠬᠠᠮᠠᠷ ᠲᠤ ᠪᠢᠰᠢ ᠰᠦᠭ ᠰᠦᠨᠡᠰᠦᠨ ᠳᠦ ᠠᠭᠤᠰᠴᠤ
ᠪᠦᠲᠦᠨ ᠤᠷᠴᠢᠯᠠᠩ ᠢ ᠦᠪᠴᠢ ᠪᠡᠷ ᠨᠢ ᠤᠲᠤᠭᠰᠠᠭᠠᠷ
ᠳᠤᠭᠳᠤᠯᠠᠵᠤ ᠬᠤᠨᠤᠭᠰᠠᠨ ᠰᠠᠷᠠ ᠰᠡᠢᠮᠡᠭᠡᠢ ᠡᠭᠦᠯᠡᠨ ᠦ ᠠᠷᠤ ᠪᠠᠷ  ᠳᠠᠯᠳᠠᠷᠢᠮᠠᠷᠬᠠᠨ ᠪᠠᠢᠯ᠎ᠠ