ᠪᠠᠷᠢᠯᠭ᠎ᠠ ᠶᠢᠨ ᠭᠠᠶᠢᠬᠠᠮᠰᠢᠭ    
   ᠪᠠᠶᠠᠨᠨᠢᠷᠣᠭᠣ ᠠᠴᠠ ᠰᠣᠨᠣᠭᠰᠠᠨ ᠣᠷᠳᠣ ᠬᠦᠨᠳᠡᠢ ᠶᠢᠨ ᠠᠳᠠᠭ ᠲᠡᠬᠢ ᠪᠠᠴᠢᠭᠤ ᠬᠠᠪᠴᠢᠯ ᠳᠤ ᠪᠠᠶᠢᠷᠢᠰᠢᠭᠰᠠᠨ ᠰᠢᠪᠠᠷᠳᠠᠢ ᠶᠢᠨ ᠠᠶᠢᠯ ᠭᠡᠭᠴᠢ ᠨᠡᠷ᠎ᠡ ᠳᠡᠬᠡᠨ ᠲᠣᠬᠢᠷᠠᠭᠰᠠᠨ ᠭᠡᠳᠡᠭ ᠨᠢ ᠠᠷᠭ᠎ᠠ ᠦᠭᠡᠢ ᠠᠵᠠᠢ᠃ ᠠᠬᠠᠮᠠᠳ ᠦᠶ᠎ᠡ ᠶᠢᠨ ᠬᠢᠨ ᠶᠡᠷᠦᠨᠢ ᠶᠠᠭᠣ ᠭᠡᠵᠦ ᠡᠨᠡ ᠬᠦ ᠨᠣᠳᠣᠭ ᠢ ᠰᠣᠩᠭᠣᠭᠰᠠᠨ ᠪᠣᠯ ᠭᠡᠵᠦ ᠭᠠᠶᠢᠬᠠᠰᠢ ᠠᠯᠳᠠᠭᠤᠯᠳᠠᠭ᠃ ᠡᠮᠦᠨᠡᠬᠢ ᠨᠠᠮᠬᠠᠨ ᠬᠦᠳᠣᠯ ᠢ ᠲᠠᠪᠠᠮᠠᠭᠴᠠ ᠦᠷᠭᠡᠨ ᠠᠭᠤᠳᠠᠮ ᠲᠠᠷᠢᠶᠠᠨ ᠭᠠᠵᠠᠷ ᠦᠷᠬᠦᠯᠵᠢᠯᠡᠵᠦ ᠪᠠᠶᠢᠬᠤ ᠡᠴᠡ ᠨᠢ ᠡᠨᠡ ᠬᠦ ᠰᠣᠩᠭᠤᠯᠳᠠ ᠶᠢ ᠠᠷᠭ᠎ᠠ ᠦᠭᠡᠢ ᠵᠦᠪᠰᠢᠶᠡᠳᠡᠭ ᠡ᠃    
ᠵᠡᠭᠦᠨ ᠡᠴᠡ ᠨᠢ ᠪᠢᠷᠠᠭᠣᠳᠣ ᠶᠢᠨ ᠬᠠᠶᠢᠷᠬᠠᠨ ᠪᠦᠭᠬᠦᠵᠦ᠂ ᠪᠠᠷᠠᠭᠣᠨ ᠠᠴᠠ ᠨᠢ ᠦᠨᠡᠭᠡᠳᠦ ᠶᠢᠨ ᠠᠭᠣᠯᠠ ᠦᠩᠭᠡᠶᠢᠭᠰᠡᠨ ᠬᠤᠶᠠᠷ ᠬᠠᠳᠠᠨ ᠤ ᠬᠠᠪᠴᠢᠭᠠᠢ ᠳᠤ ᠬᠠᠰᠢᠭᠳᠠᠨ ᠰᠠᠭᠣᠭᠰᠠᠨ ᠮᠦᠷᠳᠡᠭᠡᠨ ᠡᠮᠦᠨ᠎ᠡ ᠲᠠᠯ᠎ᠠ ᠳᠤ ᠨᠢ ᠦᠭᠡᠳᠡ ᠪᠠᠨ ᠬᠠᠷᠠᠭᠰᠠᠨ ᠨᠠᠮᠬᠠᠨ ᠬᠦᠳᠦᠯ ᠬᠦᠨᠳᠡᠯᠢᠰᠴᠦ᠂ ᠵᠤᠨ ᠪᠤᠷᠤᠭᠠᠯᠠᠬᠤ ᠪᠦᠷᠢ ᠦᠶᠡᠷ ᠦᠨ ᠣᠰᠤᠨ ᠤ ᠤᠭᠤᠲᠠ ᠪᠣᠯᠵᠤ ᠡᠳᠦᠷᠵᠢᠨ ᠰᠥᠨᠢᠵᠢᠨ ᠰᠢᠪᠠᠷ ᠱᠠᠯᠴᠢᠭᠠᠢ ᠲᠠᠢ ᠵᠠᠭᠤᠷᠠᠯᠳᠤᠨ ᠵᠤᠨ ᠨᠠᠮᠤᠷ ᠢ ᠵᠤᠳᠠᠷᠠᠩᠭᠤᠢ ᠦᠩᠭᠡᠷᠡᠭᠡᠵᠣ᠂ ᠡᠪᠦᠯ ᠲᠠᠢ ᠪᠠᠨ ᠵᠤᠯᠭᠠᠨ ᠠᠮᠢᠵᠢᠷᠠᠳᠠᠭ ᠪᠠᠶᠢᠭᠰᠠᠨ᠃    
ᠣᠳᠣ ᠰᠢᠪᠠᠷᠳᠠᠢ ᠶᠢᠨ ᠬᠦᠣ ᠪᠠᠳᠠᠷᠠᠩᠭᠤᠢ ᠠᠵᠢᠯ ᠤᠨ ᠪᠠᠶᠢᠷᠢ ᠪᠠᠨ ᠠᠪᠤᠭᠰᠠᠨ ᠴᠠᠭ ᠠᠴᠠ ᠪᠠᠨ ᠠᠪᠤᠭᠠᠳ ᠱᠢᠷᠭᠠᠭᠤ ᠠᠵᠢᠯᠯᠠᠵᠦ ᠰᠢᠨᠳᠠᠷᠠᠰᠢ ᠦᠭᠡᠢ ᠲᠡᠮᠡᠴᠡᠭᠡᠳ ᠢᠷᠡᠵᠡᠢ᠃    
ᠪᠦᠳᠦᠷᠢᠯ ᠨᠤᠭᠤᠷᠢᠯ ᠠᠴᠠ ᠪᠤᠴᠠᠵᠤ ᠨᠢᠴᠤᠯ ᠦᠭᠡᠢ᠂ ᠪᠡᠯᠡ ᠮᠦᠩᠭᠦ ᠶᠢ ᠬᠤᠷᠠᠮᠳᠠᠭᠤᠯᠤᠨ ᠶᠠᠪᠣᠵᠣ᠂ ᠠᠷᠠᠳ ᠤᠨ ᠵᠤᠭᠤᠰ ᠶᠢ ᠴᠤᠭᠯᠠᠷᠠᠭᠤᠯᠬᠤ ᠭᠡᠳ︿ ᠠᠯᠠ ᠴᠢᠨᠡᠭᠡ ᠰᠢᠪᠠᠷ ᠲᠤ ᠲᠤᠭᠤᠰᠤ ᠪᠤᠳᠠᠷᠠᠳᠠᠯ᠎ᠠ﹀ ᠴᠦ ᠲᠠᠪᠬᠢᠵᠠᠢ᠃    
ᠢᠩᠬᠢᠭᠡᠳ ᠲᠡᠭᠡᠳᠦ ᠱᠠᠳᠤᠨ ᠤ ︽ ᠠᠷᠪᠠ ᠶᠢ ᠪᠦᠷᠬᠦᠬᠦᠯᠬᠦ ᠪᠦᠳᠦᠭᠡᠨ ᠪᠠᠶᠢᠭᠣᠯᠣᠯᠳᠠ ᠶᠢᠨ ᠪᠡᠯᠡ ᠮᠦᠩᠭᠦ ᠡᠴᠡ ᠪᠣᠷᠪᠢᠳᠠᠨ ᠡᠷᠡᠮᠡᠯᠵᠡᠯᠡᠵᠣ᠂ ᠬᠣᠶᠠᠷ ᠮᠢᠩᠭ᠎ᠠ ᠢᠯᠡᠭᠦᠦ ᠲᠦᠮᠡ ᠶᠢᠨ ᠪᠡᠯᠡ ᠣᠷᠣᠭᠣᠯᠣᠯᠳᠠ ᠢ ᠢᠯᠡᠭᠦᠴᠢᠯᠡᠨ ᠣᠯᠵᠣ ᠪᠠᠶᠢᠮᠠᠨ ᠡᠨᠡ ᠬᠦ ᠠᠰᠦᠷᠦ ᠭᠠᠶᠢᠬᠠᠮᠰᠢᠠᠠᠳᠦ ᠪᠠᠷᠢᠯᠭ᠎ᠠ ᠢ ᠪᠦᠳᠦᠭᠡᠪᠡ᠃ᠡᠨᠡ ᠬᠦ ᠪᠠᠷᠢᠯᠭ᠎ᠠ ᠢ ᠬᠣᠶᠠᠷ ᠲᠠᠪᠬᠣᠷᠯᠢᠭ ᠲᠠᠢ᠂ ︽ ᠠᠰᠠᠷᠯᠢᠭ ᠬᠠᠰᠢᠯᠭ᠎ᠠ︾ ᠭᠡᠵᠣ ᠨᠡᠷᠡᠯᠡᠵᠣ ᠪᠣᠯᠣᠮᠠᠷ ᠪᠠᠶᠢᠨ᠎ᠠ᠃    
ᠪᠠᠭ᠎ᠠ ᠰᠠᠭ᠎ᠠ ᠦᠶᠡᠷ ᠪᠠᠭᠤᠪᠠᠯ ᠤᠰᠤ ᠨᠢ ᠲᠤᠤᠷᠠᠬᠢ ᠬᠠᠰᠢᠯᠭ᠎ᠠ ᠳᠤ ᠤᠷᠤᠭᠠᠳ ᠲᠠᠷᠢᠶᠠᠯᠠᠩ ᠤᠨ ᠠᠰᠢᠭᠯᠠᠮᠵᠢ ᠪᠣᠯᠵᠤ ᠴᠦᠬᠦᠷᠦᠮ ᠳᠡᠬᠡᠨ ᠨᠦᠭᠡᠴᠡᠯᠡᠴᠢᠭᠡᠨ᠎ᠡ ᠳ᠋ᠤᠤ᠃ ᠶᠡᠬᠡ ᠦᠶᠡᠷ ᠢᠷᠡᠪᠡᠯ ᠳᠡᠭᠡᠷᠡᠬᠢ ᠬᠠᠰᠢᠯᠭ᠎ᠠ ᠪᠠᠷ ᠭᠠᠷᠴᠦ ᠡᠮᠦᠨᠡᠬᠢ ᠬᠦᠳᠦᠯ ᠶᠢ ᠦᠭᠰᠦᠨ ᠲᠠᠪᠠᠭᠠᠳ᠂ ᠴᠢᠨᠠᠭᠰᠢ ᠪᠠᠨ ᠬᠠᠶᠢᠯᠠᠰᠦᠳᠦ ᠶᠢᠨ ᠭᠣᠣᠯ ᠲᠠᠢ ᠤᠷᠤᠰᠬᠠᠯ ᠨᠡᠶᠢᠯᠡᠴᠢᠭᠡᠨ᠎ᠡ ᠳ᠋ᠠ᠃ ᠡᠶᠢᠨᠬᠦ ᠡᠨᠡ ᠬᠦ ᠦᠶᠡᠷ ᠡᠴᠡ ᠰᠡᠷᠭᠡᠶᠢᠯᠡᠬᠦ ᠬᠠᠰᠢᠯᠭ᠎ᠠ ᠭᠡᠭᠴᠢ ᠦᠨᠡᠬᠡᠷ ᠴᠢᠳᠠᠮᠠᠭᠠᠢ ᠪᠠᠷᠢᠯᠭᠠᠴᠢᠳ ᠤᠨ ᠤᠷᠠᠨ ᠪᠦᠳᠦᠭᠡᠯ ᠨᠢ ᠪᠣᠯᠵᠣ ᠰᠢᠯᠭᠠᠷᠠᠭᠰᠠᠨ ᠪᠠᠶᠢᠨ᠎ᠠ᠃    
ᠢᠩᠬᠢᠭᠡᠳ ᠰᠢᠪᠠᠷᠳᠦ ᠶᠢᠨ ᠠᠶᠢᠯ ᠶᠢ ︽ ᠠᠷᠪᠠᠨ ᠵᠢᠯ ᠦᠨ ᠦᠶᠡᠷ ᠲᠦ ᠠᠷᠪᠠ ᠭᠠᠮᠰᠢᠭᠳᠠᠳᠠᠭ︾ ᠪᠠᠶᠢᠭᠰᠠᠨ ᠣᠰᠣᠨ ᠤ ᠠᠷᠬᠠᠭ ᠠᠴᠠ ᠨᠢ ᠰᠠᠯᠭᠠᠭᠠᠳ ᠠᠶᠢᠯ ᠤᠨ ᠠᠬᠠᠮᠠᠳ ᠤᠨ ᠢᠶᠠᠨ ᠣᠯᠵᠠᠭᠣᠷᠬᠠᠨ ᠮᠠᠭᠳᠠᠳᠠᠭ ︿ ᠶᠠᠷᠢᠶᠠᠨ ᠤ ᠰᠡᠵᠢᠭᠦᠷ᠂ ᠵᠣᠭᠣᠭ ᠤᠨ ᠵᠠᠭᠣᠴᠢ﹀ ᠪᠣᠯᠵᠣ ᠠᠯᠳᠠᠷᠰᠢᠭᠰᠠᠨ ᠪᠠᠶᠢᠨ᠎ᠠ᠃
 
  ᠰᠢᠪᠠᠷᠳᠠᠢ ᠶᠢᠨ ᠠᠶᠢᠯ ᠱᠠᠯᠪᠠᠭ ᠠᠴᠠ ᠪᠠᠨ ᠰᠠᠯᠵᠣ ᠰᠢᠨ᠎ᠡ ᠬᠦᠭᠵᠢᠯᠳᠡ ᠳᠦ ᠬᠦᠷᠪᠠ᠃ ᠰᠢᠪᠠᠷᠳᠦ ᠶᠢᠨ ᠰᠣᠳᠣᠨ ᠬᠦᠣ ᠴᠦ ᠰᠢᠯᠢᠳᠡᠭ ᠺᠠᠲᠠᠷ ᠪᠣᠯᠵᠣ ᠰᠢᠯᠭᠠᠷᠠᠨ ᠲᠠᠪᠰᠢᠯ᠎ᠠ᠃    
ᠶᠠᠭᠣᠳᠠᠢ ᠶᠡᠬᠡ ᠴᠢᠷᠮᠠᠶᠢᠯᠭ᠎ᠠ᠂ ᠶᠠᠮᠠᠷᠬᠠᠨ ᠰᠠᠶᠢᠬᠠᠨ ᠠᠮᠵᠢᠯᠲᠠ ᠪᠤᠢ᠃